Parlaq və sağlam bir gülümsəmə üçün təkcə diş fırçalamaq kifayət etmir. Gündəlik həyatda yediyimiz və içdiyimiz bəzi qidalar və içkilər diş minasına zərər verərək kariyes, saralma və həssaslıq kimi problemlərə səbəb ola bilər. Bəs ağız sağlamlığına ən çox zərər verən qidalar hansılardır?
News24.az diş sağlamlığını təhdid edən 8 əsas qidanı təqdim edir:
1. Şirin və turş içkilər (asitli içkilər)
Qazlı içkilər, enerji içkiləri və bəzi meyvə suları həm yüksək şəkər, həm də asidik tərkibləri ilə diş minasını aşındırır. Şəkər isə ağızdakı bakteriyalarla birləşərək kariyesi sürətləndirir.
Tövsiyə: Pipetlə içmək dişlə təmasını azaldır. İçdikdən sonra su ilə ağız yaxalamaq vacibdir.
2. Şirniyyatlar və saqqızlar
Ağza yapışan, ləng əriyən saqqızlar və şirin konfetlər diş səthində uzun müddət şəkər qalmasına səbəb olur. Bu da bakteriyalara ideal mühit yaradır.
Tövsiyə: Şəkərsiz saqqızlara üstünlük verin.
3. Limon və sirkə kimi turş məhsullar
Salatlarda və içkilərdə istifadə edilən limon, sirkə və oxşar məhsullar diş minasını incəldir, nəticədə diş həssaslığı və saralma yaranır.
Tövsiyə: Asidik qidalardan sonra dərhal diş fırçalamayın, 30 dəqiqə gözləyin.
4. Ağ çörək və rafinə karbohidratlar
Ağ undan hazırlanan çörək, kraker və s. tüpürəklə qarışdıqda şəkərə çevrilir və dişləri çürüdür.
Tövsiyə: Tam taxıllı məhsullara keçin və bol su için.
5. Qurudulmuş meyvələr
Kuru ərik, əncir, kişmiş kimi meyvələr doğal şəkər daşısalar da, yapışqan strukturları ilə diş aralarında ilişərək bakteriya artımına səbəb olur.
Tövsiyə: Yedikdən sonra ağız çalxalamaq və diş ipi istifadə etmək faydalıdır.
6. Qəhvə və qara çay
Bu içkilər dişlərdə ləkə və saralma yaradır, həmçinin ağızda turş mühit formalaşdırır.
Tövsiyə: Şəkərsiz qəbul edin və içdikdən sonra ağızı su ilə yaxalayın.
7. Alkoqol
Alkoqol tüpürək ifrazını azaldır, bu isə ağız quruluğu və bakteriya artımı deməkdir. Bu vəziyyət diş ətləri üçün də təhlükəlidir.
Tövsiyə: Alkoqoldan sonra bol su içmək ağız mühitini tarazlaya bilər.
8. Çips və qarğıdalı lopaları
Bu cür “xırıltılı” qəlyanaltılar diş səthində qalıq buraxır, çeynəmə zamanı isə diş aralarına dolaraq kariyesi sürətləndirir.
Tövsiyə: Qəlyanaltıdan sonra diş ipi istifadə edin.
Qeyd edək ki, diş fırçalamaq vacibdir, lakin nə yediyiniz və necə yediyiniz diş sağlamlığına birbaşa təsir edir. Bu qidalara diqqət etməklə gülüşünüzü qoruyun! Əlavə olaraq, mütəmadi diş həkimi müayinəsi də vacibdir.
Aqil
