ain.az xəbər verir, Azvision saytına əsaslanaraq.
AzVision.az xəbər verir ki, ÜST-ün saytında dərc edilən açıqlamada bu tədbirin xroniki xəstəliklərin qarşısının alınması üçün zəruri olduğu bildirilib. Eyni zamanda, təşkilat aksizlərin və digər vergilər hesabına “zərərli” məhsulların qiymətlərinin artırılmasının ölkələrin büdcələrinə əlavə vəsait cəlb edəcəyini vurğulayıb. Qurum 2035-ci ilə qədər belə məhsulların maya dəyərinin artırılmasını təklif edir. Sənəddə göstərilir ki, tütün, alkoqol və şəkərli içkilərdən istifadə ürək xəstəlikləri, xərçəng və şəkərli diabet kimi qeyri-infeksion xəstəliklərin yayılmasına səbəb olur. Dünyadakı bütün ölümlərin 75%-i bu xəstəliklərdən qaynaqlanır. “Son hesabata görə, bu məhsulların birdəfəlik 50% qiymət artımı növbəti 50 il ərzində 50 milyon vaxtından əvvəl ölümün qarşısını ala bilər”, - sənəddə deyilir. Xatırladaq ki, ayın sonunda son 6 ildə 14 yaşa qədər uşaqlar arasında piylənmə hallarının 36%-dən çox artdığı barədə məlumat açıqlanmışdı. Eyni zamanda məlum olub ki, 2018-ci ildən bəri 15-17 yaşlı uşaqlar arasında piylənmə hallarının ümumi sayı 9,2% artıb. ÜST-ün 2024-cü il üçün məlumatlarına əsasən, dünyada hər səkkiz nəfərdən biri piylənmədən əziyyət çəkir, 1990-cı ildən isə onların sayı təxminən iki dəfə artıb. Sahil İsgəndərov
AzVision.az
Daha ətraflı məlumat və yeniliklər üçün ain.az saytını izləyin.
