“Rusiyada nə qədər azərbaycanlı yaşayır, niyə onlar üçün ana dilində məktəblər yoxdur?”

“Mən düşünürdüm ki, rusdilli məktəblərin fəaliyyəti faydalı ola bilər. Çünki mən həmişə rus dilini təhsil dili kimi görmüşəm, düşünmüşəm ki, bizim Rusiya ilə geniş əlaqələrimiz var, xalqlarımız arasında daha yaxşı münasibətlərin qurulmasında faydalı ola bilər. Lakin indi görünür ki, biz bu barədə daha obyektiv və ciddi düşünməliyik”.

Bunu Demokrat.az-a açıqlamasında Azərbaycan Gənc Alim, Doktorant və Magistrlər Cəmiyyətinin sədri, fəlsəfə doktoru İlqar Orucov deyib.

O bildirib ki, Rusiya bu gün dünyada imperialist dövlət kimi tanınır, bütün qonşuları ilə konflikt yaradan, ayrı-ayrı dövlətlərin daxili işlərinə, xarici siyasətlərinə müdaxilə etmək yolunu tutub. Ən böyük problem isə odur ki, bu dövlət özünü hegemon söz sahibi kimi göstərmək istəyir, elementar insan hüquqlarına hörmət etmir:

“Rusiyada nə qədər azərbaycanlı yaşayır, niyə onlar üçün məktəblər yoxdur?

O zaman biz niyə burada rusdilli məktəblər açmalıyıq?

Əgər biz elmi tərəqqi yolu ilə gediriksə, Çin dilində məktəblər açarıq.

Təəssüf ki, hələ də bizim cəmiyyətdə rus dilində danışmağı üstünlük kimi qəbul edən insanlar var. Bu dilin kütləvi tədrisi yolverilməzdir. Biz gənclərimizin milli şüurunu inkişaf etdirməliyik.

Əgər sən mənim xalqıma düşmən münasibət bəsləyirsənsə, onda sənin dilin mənə lazım deyil. Təkcə rus dili mövzusunda deyil, bütün sahələrdə ruslarla artıq məsafə saxlamalıyıq”.

Cavidan Mirzəzadə
Demokrat.az

“Rusiyada nə qədər azərbaycanlı yaşayır, niyə onlar üçün ana dilində məktəblər yoxdur?” — AÇIQLAMA

Hesaba daxil ol

Qeydiyyatdan keç

Şifrəni bərpa et