Gəncədə evdə yanğın olub, bir nəfər xəsarət alıb.
Bizim.Media-nın yerli bürosunun məlumatına görə, hadisə Yeni Gəncə qəsəbəsində Zeynal Xəlil küçəsində fərdi yaşayış evlərindən birində baş verib.
İlkin məlumata görə, evdəki partlayış yanğına səbəb olub.
Hadisə yerində FHN-in Gəncə şəhər Dövlət Yanğından Mühafizə İdarəsinin yanğın üç yanğın söndürən avtomobili və 20-dən artıq canlı qüvvə cəlb olunub. İlkin məlumata görə 45 kv/m- dən ibarət olan yarım tikili əşyaları ilə birgə yanıb. Alovun digər evlərə keçməsinin qarşısı alınıb.
Hadisə zamanı Gəncə şəhər sakini, 1958-ci il təvəllüdlü Şərif Musayev müxtəlif dərəcəli yanıq xəsarətləri alaraq xəstəxanaya yerləşdirilib. Ona ilkin tibbi yardım göstərilib və vəziyyətinin stabil olduğu bildirilir.
Məqsəd Rəhimov, Bizim.Media, Qərb bürosu
