Hakan Çalhanoğlu bu yay “Qalatasaray”a keçmək istəyir.
Publika.az “Milliyet”ə istinadən xəbər verir ki, “İnter”in yarımmüdafiəçisi uşaqlıqdan sevdiyi Türkiyə klubuna keçməkdə qərarlıdır.
31 yaşlı futbolçunun “İndi, ya heç vaxt… Bu yay “Qalatasaray”a keçməsəm, sonradan çox çətin olacaq” dediyi bildirilir.
Bundan əlavə, “neradzurri”nin keçmiş baş məşqçisi Simone İndzaqinin rəhbərlik etdiyi “Əl-Hilal” ın Çalhanoğluya 3+3 illik müqavilə təklif etdiyi bildirilir. Futbolçu ildə 20 milyon avro alıb, üç il bu klubda oynaya, qalan üç mövsümdə isə məşqçilər korpusunda çalışa bilər.
