ain.az, Baku.ws portalından verilən məlumatlara əsaslanaraq xəbər verir.
Yay fəslinin gəlməsi ilə bir çox insanlar qulaqcıqlardan əvvəlki kimi istifadə etməyə davam edir.
Lakin həkimlər və eşitmə sağlamlığı üzrə mütəxəssislər xəbərdarlıq edirlər ki, isti havada qulaqcıqları uzun müddət taxmaq sağlamlığa çiddi zərər vura bilər. Xüsusilə də saatlarla qulaqcıqları qulaqdan çıxarmayanlar üçün bu risk daha yüksəkdir
BAKU.WS xəbər verir ki, bir çox ölkənin tibbi heyyətinin birlikdə apardıqları elmi araşdırmalar nəticəsində temperaturun artması riski gücləndirdiyini müəyyənləşdirib.
Yayda bədənin və dərinin temperaturu təbii olaraq artır. Qulaqlar da istisna deyil. İsti havada qulaqcıqla qulaq arasındakı boşluq "mini-istixana"ya çevrilir:
Orada nəmlik, tər, bakteriyalar və kir yığılır. Bu da dərinin qıcıqlanmasına, qulaq keçəcəyinin iltihabına və hətta göbələk infeksiyalarına səbəb ola bilər.
Qulağın havalanması pozulur
Qulaqcıqlar uzun müddət qulağı tam örtdükdə, təbiətə uyğun havalanma (ventilyasiya) pozulur.
Bu xüsusilə vakumlu (qulaqdaxili) və üstdən taxılan qulaqcıqlarda daha çox müşahidə olunur.
Hava dövranı zəifləyir, isti və nəmli mühit mikroblar üçün ideal şərait yaradır.
Qızma və baş ağrısı riski
Böyük, başın üstündən keçən və qulağı tam əhatə edən qulaqcıqlardan yayda istifadə baş dərisi və qulaq nahiyəsində temperaturu artırır.
Bu isə bədən qızmasına, baş ağrısına, yorğunluğa və ümumi narahatlığa səbəb olur.
Bəzi insanlar yayda qulaqcıqla uzun müddət musiqi dinlədikdə diqqətin azalmasından da şikayət edirlər.
Eşitmə zəifləməsi və təzyiq
Yayda yüksək səsdə musiqi dinləmək, xüsusilə qulaqdaxili qulaqcıqlarla, baraban pərdəsinə təzyiqi artırır.
İsti ilə birlikdə bu, müvəqqəti eşitmə zəifliyi, qulaqda səslər (zınqıltı) və ağrı ilə nəticələnə bilər.
Yayda qulaqların sağlamlığını necə qoruyaq:
Qulaqcıqları hər 30–60 dəqiqədən bir çıxarın və qulağınızı dinləndirin
Yüngül modellərə keçin və ya xarici səsgücləndiricilərdən istifadə edin
Səs səviyyəsini çox yüksəltməyin, fon musiqisi səviyyəsində saxlayın
Qulaqcıqları hər gün antiseptiklə silin
Başqasının qulaqcıqlarından istifadə etməyin – yayda infeksiya riski daha yüksəkdir
Yay sevdiyiniz musiqidən imtina etmək üçün səbəb deyil, sadəcə bədəninizə və sağlamlığınıza qarşı diqqətli olun.
Bir qədər ehtiyat – və siz musiqidən sağlam şəkildə zövq almağa davam edə bilərsiniz.
Hadisənin gedişatını izləmək üçün ain.az saytında ən son yeniliklərə baxın.
