Rəsmi İrəvan üçüncü dövlətlərin Ermənistan ərazisindən kiməsə qarşı hərbi əməliyyatlar üçün istifadə etməsi ehtimalını rədd edir.
"Unikal" xəbər verir ki, bu barədə Ermənistan Xarici İşlər Nazirliyi bəyanat yayıb.
"Ermənistan Respublikasının ərazisi üçüncü dövlətlər tərəfindən heç bir qonşu dövlətə qarşı hərbi əməliyyatlar həyata keçirmək üçün istifadə edilə bilməz", - bəyanatda deyilir.
Nazirlik Ermənistanda Rusiya ordusunun güclənməsi ilə bağlı KİV-də yayılan xəbərləri belə şərh edib.
