ain.az xəbər verir, Xalqcebhesi saytına əsaslanaraq.
Cənub-Şərqi Asiya ölkəsi Vyetnamın cənubundakı Ho Şi Min şəhərində yerləşən bir yaşayış binasında baş verən yanğında 2-si uşaq olmaqla 8 nəfər həyatını itirib.
Xalqcebhesi.az xəbər verir ki, Vyetnam Xəbər Agentliyinin (VNA) məlumatına görə, Ho Şi Min şəhərinin Phu Tho Hoa bölgəsində yerləşən 5 mərtəbəli binanın birinci mərtəbəsində yerləşən mənzildə səbəbi hələ müəyyən edilməmiş yanğın baş verib.
Yanğınla bağlı məlumat aldıqdan sonra əraziyə yanğınsöndürən və təcili tibbi yardım briqadaları cəlb olunub.
Nəticədə 2-si uşaq olmaqla 8 nəfər ölüb.
Hadisə baş verən Do Doc Long küçəsi müvəqqəti olaraq nəqliyyat üçün bağlanıb.
Alovun təsirindən küçədə park edilmiş bəzi avtomobillərə də ziyan dəyib.
Vyetnam Milli Statistika İdarəsinin məlumatına görə, bu ilin ilk 6 ayı ərzində ölkədə 1723 yanğın və partlayış hadisəsi qeydə alınıb. Bu hadisələrdə 48 nəfər ölüb, 75 nəfər isə yaralanıb.
Məryəm Quliyeva
Hadisənin gedişatını izləmək üçün ain.az saytında ən son yeniliklərə baxın.
