Polşa Almaniya və Litva ilə sərhədlərinə nəzarət etməyə başlayıb. Bu barədə Vətəninfo.az TVP İnfo saytına istinadən xəbər verir.KİV-in məlumatına görə, gecə yarısı Polşaya girişə 65 məntəqədə selektiv nəzarət yaradılıb: 52-si Almaniya ilə sərhəddə, 13-ü Polşa-Litva sərhədində. Respublikanın daxili işlər naziri Tomaş Siemonyakın sözlərinə görə, əməliyyatda 800 sərhədçi iştirak edir, onlara 300 polis, 200 hərbi jandarma əsgəri və Ərazi Müdafiə Qüvvələrinin 500 əsgəri dəstək verəcək. Bu tədbirlərin məqsədi, nazirin qeyd etdiyi kimi, qeyri-qanuni miqrasiya ilə mübarizədir.
Artıq bir neçə nəfər həbs edilib. Nəşrin məlumatına görə, gecə yarısından əvvəl Estoniya vətəndaşı Polşaya qanuni şəkildə buraxılmayan 4 Əfqanıstan vətəndaşını aparırmış.
KİV qeyd edir ki, müvəqqəti yoxlamalar avqustun 5-dək davam edəcək.
İyulun 1-də Polşanın baş naziri Donald Tusk Almaniya və Litva ilə sərhədlərdə 30 gün müddətinə müvəqqəti nəzarətin tətbiqi ilə bağlı qərarın daha da uzadılması mümkünlüyünü açıqlayıb. Qeyri-qanuni miqrasiya ilə mübarizədən əlavə, Varşava Almaniyanın 2024-cü ilin payızında tətbiq etdiyi analoji nəzarətə bu şəkildə cavab verdi.
