Milli Məclisin deputatı Ramil Həsən TÜRKPA-nın Baş katibi kimi fəaliyyətinə oktyabrın 15-də başlayacaq.
Bu barədə Modern.az-a açıqlamasında deputat Ramil Həsən özü bildirib.
Xatırladaq ki, Türk Dövlətləri Parlament Assambleyasının (TÜRKPA) Qazaxstanın paytaxtı Astana şəhərində keçirilən 14-cü plenar sessiyasında Azərbaycan Milli Məclisinin deputatı Ramil Həsən TÜRKPA-ya üzv ölkələrin parlament sədrlərinin və millət vəkillərinin yekdil qərarı ilə təşkilatın yeni Baş katibi seçilib.
Qeyd edək ki, bundan əvvəl TÜRKPA-nın Baş katibi türkiyəli Mehmet Süreyya olub.
Ramil Həsən 2009–2013-cü illərdə də TÜRKPA-nın Baş katibi vəzifəsini daşıyıb.
