Rusiya Prezidenti Vladimir Putin ölkədə qadın çatışmazlığının olduğunu bildirib.
Musavat.com xəbər verir ki, o, bu fikri sosial məsələlərə həsr olunmuş müşavirədə səsləndirib.
“Bir vaxtlar deyirdilər ki, 10 qıza 9 oğlan düşür. Mən belə başa düşürəm ki, indi statistika dəyişib – hazırda bizdə qadın çatışmır”, – deyə Putin bəyan edib.
Rusiyada son illər əhalinin demoqrafik strukturu və gender balansı ciddi şəkildə dəyişməkdədir. Ekspertlər bunu həm miqrasiya, həm də ölüm halları ilə izah edirlər. Putinin bu etirafı ölkədə sosial siyasətin dəyişməsi ehtimalını gündəmə gətirib.
Musavat.com
