Gəncədə avtomobil mopedlə toqquşub, xəsarət alan var

Gəncədə yol-nəqliyyat hadisəsi baş verib. Avtosfer.az-ın APA-ya istinadən məlumatına görə, hadisə şəhərin Atatürk prospektində qeydə alınıb. Hərəkətdə olan minik maşını mopedlə toqquşub. Qəza zamanı mopedin sürücüsü 2008-cı il təvəllüdlü K.Qəhramanzadə xəsarət alaraq xəstəxanaya aparılıb. Faktla bağlı araşdırma aparılır.