ABŞ Hərbi Hava Qüvvələri güclü düşmənlərlə mümkün münaqişələrə diqqət yetirdiyi üçün "B-1B" Lancer strateji bombardmançılarından imtina edə bilər.
Publika.az xəbər verir ki, bu barədə "National Interest" (TNI) köşə yazarı Harrison Kass yazıb.
O iddia edib ki, təyyarədən Rusiya və Çinin hava hücumundan müdafiə sistemləri səbəbindən imtina ediləcək.
"ABŞ, İraq və Əfqanistan kimi sərbəst hava məkanında aparılan münaqişələrdən, Çin və Rusiya kimi hava hücumundan müdafiə sistemləri getdikcə daha da müasirləşən ölkələrlə mübahisəli hava məkanında baş verən münaqişələrə keçdikcə, "B-1B" bombardmançı təyyarəsi həmin müdafiə sistemlərini keçmək üçün yetərsiz olacaq", - hesabatda deyilir.
Hərbi Hava Qüvvələri "B-1B"ni yeni "B-21" Raider bombardmançıları ilə əvəz etməyi planlaşdırır. Müəllif vurğulayıb ki, bu təyyarə xüsusi olaraq effektiv aşkarlama sistemləri ilə əhatə olunmuş hava məkanına daxil olmaq üçün nəzərdə tutulub. Kassın fikrincə, "B-1B"nin məhvi ABŞ-ın strateji fəlsəfəsində sürət və gücdən imtina edərək gizlin xeyrinə dəyişdiyini göstərir.
