Yenidən Fransada oynayacaq

Pyer-Emerik Obameyanq yenidən Fransada oynayacaq.

'Football-plus.az" xəbər verir ki, Səudiyyə Ərəbistanının “Əl-Kadisiya” klubundan ayrılan futbolçunun yeni klubu müəyyənləşib.

İnsayder Fabritsio Romanonun məlumatına görə, qabonlu forvard “Marsel”lə anlaşıb. 36 yaşlı futbolçu Liqa 1 klubu ilə 2 illik müqavilə imzalayacaq.

Pyer-Emerik ötən mövsüm “Əl-Kadisiya”nın heyətində 36 oyuna 21 qol vurub, 3 məhsuldar ötürmə edib. O, 2023/24 mövsümündə də “Marsel”də çıxış edib.