TABNAK xəbər verir ki, İran iyulun 25-də nüvə proqramı ilə bağlı Böyük Britaniya, Fransa və Almaniya ilə danışıqlar aparacaq.
“Avropa ölkələrinin tələbinə cavab olaraq, İran danışıqların yeni raundunun keçirilməsinə razılıq verib”, - İran Xarici İşlər Nazirliyinin rəsmi nümayəndəsi İsmayıl Bəqayi bəyan edib.
Onun sözlərinə görə, görüş xarici işlər nazirlərinin müavinləri səviyyəsində baş tutacaq.
İsmayıl Bəqayi bildirib ki, İran və Avropa arasında bu danışıqlar Tehran və ABŞ arasında aparılan dolayı danışıqlardan ayrı aparılacaq. Qarşıdan gələn görüşdə əsas diqqət Avropa ölkələrinin nüvə sazişindəki rolunun mahiyyətinə və sanksiyaların “əks mexanizmi” məsələsinə yönəldiləcək.
Avrotroyka ölkələri daha əvvəl bəyan etmişdilər ki, İran və ABŞ arasında əvvəllər aparılan danışıqlar bərpa olunmasa və ya konkret nəticə verməsə, avqustun sonuna qədər BMT-nin Tehrana qarşı qondarma “snapback mexanizmi” əsasında sanksiyalarını bərpa edəcəklər.
