BAKI. 28 iyul. TELEQRAF
Bir çox italyalı ulduzlarla əməkdaşlıq etmiş bəstəkar, dirijor və prodüser Çelso Valli 76 yaşında vəfat edib.
Teleqraf xəbər verir ki, bu barədə “Doremifasol” portalı məlumat yayıb.
Məlumata görə, Valli musiqi səhnəsinin ən məşhur nümayəndələri ilə əməkdaşlıq edərək, İtaliya musiqisinin, kinosunun və televiziyasının inkişafına təsir göstərib. O, Adriano Çelentano, Mino, Eros Ramazzotti, Vasko Rossi, Andrea Boçelli və bir çox başqa ifaçılarla çalışıb.
İtaliyalı bəstəkar həmçinin Klaudio Balyoninin ən çox satılan albomu olan "La vita adesso"nun prodüseridir.
