İstanbulda yerləşən məşhur Ayasofya Məscidi yanğın təhlükəsi ilə üzləşib.
Bizim.Media GDH nəşrinə istinadən xəbər verir ki, axşam namazından sonra məscidə daxil olan xarici vətəndaş Ayasofyanı yandırmağa cəhd edib.
Hadisə yerində baş verən alovlanma qısa müddət ərzində söndürülüb.
İlkin məlumata əsasən, sözügedən şəxs hadisə yerindən qaçmağa nail olub. Hazırda hüquq-mühafizə orqanları tərəfindən şəxsin tapılması və saxlanılması istiqamətində axtarışlar davam etdirilir.
Hadisənin motivləri və təfərrüatları ilə bağlı rəsmi açıqlama verilməyib.
Qeyd edək ki, Ayasofya, İstanbulun ən məşhur tarixi abidələrindən biridir. İlk olaraq 537-ci ildə Bizans imperatoru I Yustinianus tərəfindən kilsə olaraq inşa edilib, 1453-cü ildə İstanbulun fəthindən sonra məscidə çevrilmişdir.
1935-ci ildən muzey kimi fəaliyyət göstərən Ayasofya, 2020-ci ildə yenidən ibadətə açılaraq məscid statusunu alıb. UNESCO-nun Dünya İrsi Siyahısında yer alan bu tarixi abidə, hər il milyonlarla turistin ziyarət etdiyi önəmli bir mədəni irs nümunəsidir.
Bizim.Media
