Fransanın aparıcı müdafiə sənayesi şirkəti “Thales” Paris birjasında 6 faizlik dəyər itkisi ilə üzləşib.
Herbiand.az xəbər verir ki, “Thales”in səhmlərinin azalması törəmə şirkəti olan “Naval Group”a qarşı həyata keçirilmiş kiberhücum, eyni zamanda, Amerika Birləşmiş Ştatları (ABŞ) və Avropa İttifaqı (Aİ) arasında bağlanmış silah alışına dair siyasi razılaşma ilə əlaqələndirilir.
Qeyd edək ki, Aİ Rusiyanın yaratdığı təhlükə fonunda hərbi büdcəsini əhəmiyyətli dərəcədə artıracağını bəyan edib. Bu, “Thales” kimi şirkətlər üçün müsbət siqnal idi. Lakin Aİ-nin ABŞ-dan silah alacağına dair bəyanatı avropalı istehsalçıların gözləntilərinə mənfi təsir edib.
“Thales” güclü fundamental əsaslara malik olsa da, bu şirkətin qısa müddət ərzində böyük itkilərlə üzləşə biləcəyi istisna deyil.
