Aylarla Kremlə qarşı sərt tədbirlərdən yayınan ABŞ prezidenti Donald Tramp Ukraynadakı müharibəyə görə ilk dəfə Rusiyaya iqtisadi təzyiq göstərməyə hazırlaşır. Bununla belə, əsas yük Moskvanın yox, Hindistanın üzərinə düşə bilər.
HİT.az xəbər verir ki, bu barədə "The Telegraph" yazır.
Cümə gününə qədər Tramp Vladimir Putini atəşkəs barədə düşünməyə məcbur etmək üçün konkret tədbirlər təqdim etməlidir. Variantlardan biri Rusiya neftini alan ölkələrə 100 faiz rüsumların tətbiq edilməsidir.
Ötən həftə Ağ Ev artıq Hindistan mallarına rüsumları 25 faizə qaldırıb və Rusiyadan neft alışını sanksiyalarla hədələyib. Hindistanın Rusiya hərbi maşınının maliyyələşdirilməsində rolu göz qabağındadır: 2022-ci ilə qədər o, Rusiya neftinin cəmi 0,2 faizini idxal edirdi, indi isə 45 faizini (gündə təxminən 2 milyon barel) idxal edir. Bu, təkcə ötən il Kremlə 50 milyard dollardan çox gəlir gətirib.
Buna baxmayaraq, Çin daha çox - Rusiya neftinin 47 faizini idxal edir. Bununla belə, Tramp ABŞ-Çin münasibətlərini sabitləşdirmək cəhdləri fonunda Pekinə qarşı sərt addımlar atmaqdan çəkinir.
"Chatham House"dan Timoti Eş də daxil olmaqla analitiklər bildiriblər ki, Rusiya neftinə tam tariflər Kremlin gəlirlərini kəskin şəkildə azalda, bank əməliyyatlarını və rublun devalvasiyasına səbəb ola bilər. Eyni zamanda, bu, neft qiymətlərinin artmasına və qlobal iqtisadi təlatümlərə də səbəb ola bilər.
Trampın qətiyyətinə baxmayaraq, Xarici Əlaqələr Şurasından Çarlz Kapçan xəbərdarlıq edir ki, təkcə sanksiyalar kifayət olmaya bilər. Putini dayandırmaq üçün ABŞ nəinki iqtisadi təzyiq göstərməli, həm də Ukraynanı silahla dəstəkləməli, müdafiə sənayesini gücləndirməlidir.
"Rusiya iqtisadiyyatını sanksiyalarla boğa biləcəyimizi düşünmürəm. Ukraynaya Putini döyüş meydanında dayandırmaq bacarığı lazımdır", deyə Kapçan bildirib.
Tramp da öz növbəsində deyir: "Əgər enerji barreli 10 dollara düşərsə, Putinin başqa seçimi qalmayacaq. Onun iqtisadiyyatı çökmək ərəfəsindədir".
Samir
