Yevlax-Mingəçevir avtomobil yolunda ölümlə nəticələnən yol-nəqliyyat hadisəsi baş verib.
Bakues.az xəbər verir ki, hadisə yolun Yevlax rayonunun Hacıselli kəndindən keçən hissəsində baş verib.
Belə ki, ötən gün saat 14 radələrində həmin yolda 1960-cı il təvəllüdlü Nazim Əli oğlu Tağıyevin idarə etdiyi “Vaz 21063” markalı avtomobil ilə 1981-ci il təvəllüldlü Asif Loğman oğlu Osmanovun idarə etdiyi “Honda CVR” markalı avtomobillər toqquşub.
Nəticədə “Honda” markalı avtomobildə olan sərnişin Xuraman Cəfərqulu qızı Xəlilova ölüb, digər 2 nəfər sərnişinlər Xalid Soltanməcid oğlu Xəlilov və İlahə Sehran qızı Xəlilova isə yaralı vəziyyətdə Mingəçevir Şəhər Mərkəzi Xəstəxanasına daxil olub.
Faktla bağlı Yevlax Rayon Polis Şöbəsində cinayət işi başlanılıb.
