Ukrayna Rusiya ilə münaqişəyə son qoymaq üçün mümkün razılaşma çərçivəsində öz gələcəyini müstəqil şəkildə müəyyən etmək hüququna malik olmalıdır.
Axar.az xəbər verir ki, bunu ABC News telekanalına müsahibəsində NATO-nun Baş katibi Mark Rutte deyib.
"Bizə Ukrayna danışıqlar masası arxasında lazımdır. Bu, ərazilərə aid olacaq. Həmçinin təhlükəsizlik zəmanətləri də müzakirə olunacaq", - o bildirib.
NATO baş katibinin sözlərinə görə, Ukrayna öz silahlı qüvvələrinin sayına məhdudiyyət qoymamalıdır.
