1994-cü ildə Ulu öndər Heydər Əliyev dönməz, fədakar, ümidi ölməz Azərbaycan diplomatiyasının əsasını qoydu. Əsrin müqaviləsini imzalamaqla ABŞ siyasətinin dəyişdirilməsi istiqamətində uzun və fədakar bir yolun başlanğıcını qoydu. Azərbaycanın müstəqilliyinin dönməzliyi və əbədiliyi üçün o zaman ABŞ-la münasibətləri inkişaf etdirmək həyati cəhətdən əhəmiyyətli idi.
Erməni lobbisinin çox böyük təsirə malik olduğu ABŞ siyasətində ən azı neytrallığa nail olmaq çox böyük uğur idi və cənab İlham Əliyevin rəhbərliyi ilə Azərbaycan diplomatiyası 2000-ci illərin əvvəllərində artıq bu hədəfə nail oldu. ABŞ siyastində demokratların "kor siyasəti"ni (Obama-Bayden) nəzərə almasaq ümumilikdə ABŞ-Azərbaycan münasibətləri əsasən qarşılıqlı maraqlara əsaslanıb və praqmatik xarakter daşımışdır.
2020-ci ildə Vətən müharibəsi zamanı Tramp administrasiyasının neytral mövqeyi Azərbaycan diplomatiyasının həm də başqa cəbhədə əldə etdiyi mühüm zəfər idi. Güclü erməni diasporunun bütün səylərinə baxmayaraq, Azərbayacanın Zəfərdən sonra hər hansı sansiyaya məruz qalmaması Prezident İlham Əliyevin dahiyana gedişlərinin nəticəsi idi. Və burda artıq Azərbaycan diplomatiyası dünyada ən yüksək peşəkarlıq qabiliyyətini nümayiş etdirdi.
8 avqust Vaşinqton görüşü və əldə olunan razılaşmalar təkcə Ermənistan ilə bağlı deyildir. Ermənistan onsuz da Prezident İlham Əliyev tərəfindən təklif edilən prinsipləri qəbul etdiyini bəyan etmiş və hər mənada onun qarşısında təslim olmuşdu. Azərbaycanın Qarabağda məğlub etdiyi qüvvələr sırasında Ermənistan ən kiçiyi və ən zəifi idi. Digəq düşmənlər üzərində Zəfərin sənədləşməsi üçün 8 avqust görüşü lazım idi və bu görüş çox ustalıqla və məharətlə təşkil olundu.
ABŞ prezidentinin dilindən bütün dünyaya (Azərbaycan düşmənlərinə) verilən mesajlar artıq bütöv və azad Azərbaycanın müstəqilliyini və dövlətçiliyini əbədi etdi.
Beləliklə, 1994-cü il Əsrin müqaviləsi ilə Ulu öndər Heydər Əliyev ərazilərinin bir hissəsi işğal altında olan Azərbaycanın müstəqilliyini və dövlətçiliyinin qoruyub saxlaya bilmişdirsə, 2025-ci il 8 avqustda Prezident İlham Əliyev azad və bütöv Azərbaycanın müstəqilliyinin və dövlətçiliyinin əbədi olmasına nail oldu. Bu dünya diplomatiya tarixində bir müsəlman və türk dövlətinin indiyə qədər nail olduğu ən yüksək zirvədir".
Təklifinizi, şikayətinizi bizə yazın. Sizi dinlərik. 055 634 88 31
