Yaxın vaxtlarda Elm və Təhsil Nazirliyi tabeliyində Təhsilin İnkişafı Fondu tərəfindən təhsil işçiləri üçün yeni çoxfunksional kart istifadəyə veriləcək. Kart sahibi onu əməkhaqqı kartı, giriş/çıxış kartı, debet kartı, apple pay və google pay ödənişləri, nağdsız ödənişlər üçün istifadə edə biləcək, "Mastercard priceless specials" platforması çərçivəsində müxtəlif endirimlərdən yararlana biləcəklər.
Publika.az xəbər verir ki, bu barədə modern.az-ın güzəştli kartlarla bağlı Təhsilin İnkişaf Fonduna ünvanladığı sorğuya cavab olaraq bildirilib.
Qeyd edilib ki, hazırda kartın texniki detalları üzərində işlər aparılır.
Qurumdan verilən məlumata görə, bundan əvvəl ali təhsil müəssisələrinin professor-müəllim heyəti ilə görüşlər təşkil edilib və qarşılıqlı fikir mübadiləsi aparılıb, təkliflər dinlənilib.
