“Sabah”ın futbolçusu Coy-Lens Mikels premyer-liqasında 40-cı qolunu vurub.
"Football-plus.az" xəbər verir ki, 32 yaşlı almaniyalı legionerin yubileyi Misli premyer-liqasının 2-ci turuna təsadüf edib. “Şamaxı” ilə səfər görüşündə dubla imza atan Mikels ikinci qolu ilə “40”a çatıb. Ölkəmizdə yalnız bir klubda çıxış edən futbolçu 86-cı matçında buna nail olub.
Mikels turnirin tarixində 40 və daha çox qol vuran 68-ci futbolçudu. O bunu bacaran legioner statuslu 9-cu oyunçudu.
Coy-Lens premyer-liqada eyni klubda 40 və daha çox qola sevinən 27-ci futbolçu kimi tarixə düşüb. O, Abdulla Zubir, Reynaldo Silva (hər ikisi “Qarabağ”) və Fernando Peresdən (“Bakı”) sonra eyni klubda ən azı bu qədər qol vuran 4-cü legionerdi.
Xatırladaq ki, “Sabah” səfərdə 2:1 hesablı qələbə qazanıb.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
