Günəşdə dördüncü partlayış baş verdi

Günəşdə gün ərzində dördüncü partlayış baş verib. 
ONN media xəbər verir ki, bu barədə Rusiya Tətbiqi Geofizika İnstitutu məlumat yayıb.
M1.0 (S21E26) sinifli partlayış Bakı vaxtı ilə saat 16:07-də rentgen diapazonunda qeydə alınıb. Onun müddəti 45 dəqiqə olub.
Bundan əvvəl M3.3, M1.3 və M4.5 sinifli partlayışlar baş verib.
Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyası və Günəş-Yer Fizikası İnstitutunun alimləri gecə ərzində Günəşin aktivliyinin artdığını bildiriblər. Onlar ən yüksək X sinifli partlayışın baş verə biləcəyini istisna etmirlər.
Günəş partlayışları rentgen şüalanmasının gücünə görə beş sinifə bölünür: A, B, C, M və X. Burada A - ən zəif, X isə, ən güclü sinifdir. Hər sinif əvvəlkindən 10 dəfə güclüdür. M və X sinifli partlayışlar geomaqnit qasırğalarına, peyk rabitəsinə və naviqasiyaya təsir göstərə bilər, həmçinin qeyri-adi enliklərdə şimal işıqları yarada bilər