DÇ-2026-nın seçmə mərhələsi çərçivəsində İslandiya yığması ilə qarşılaşacaq Azərbaycan millisi oyunun keçiriləcəyi Reykyavikə yola düşüb.
Arena.az bu barədə AFFA-nın rəsmi saytına istinadən xəbər verir.
Millimizi səfərə aparan təyyarə saat 11:00-da Heydər Əliyev Beynəlxalq Hava Limanını tərk edib. Komandamız sentyabrın 4-də, Bakı vaxtı ilə saat 22:30-da matçın baş tutacağı “Lauqardalsvollur” stadionunda son məşqinə çıxacaq.
Qeyd edək ki, sentyabrın 5-də keçiriləcək İslandiya – Azərbaycan görüşünə Bakı vaxtı ilə saat 22:45-də start veriləcək.
