Moskvanın Taqanski Rayon Məhkəməsi istintaqın vəsatətini təmin edib və Vətən müdafiəçilərinin xatirəsini təhqir etməkdə ittiham olunan erməni bloger Arsen Markaryanın həbs müddətini noyabrın 9-dək uzadıb.
Axar.az xəbər verir ki, bu barədə TASS məlumat yayıb.
Təqsirləndirilən şəxs özü məhkəmədə bildirib ki, saxlanılan zaman avtomobilin yük yerində gizlənməyib, sərnişin oturacağında əyləşib.
O əlavə edib ki, axtarışda olması barədə ona heç bir məlumat verilməyib və xaricə getməyi planlaşdırmayıb.
Xatırladaq ki, avqustun 25-də Moskvanın Taqanski Rayon Məhkəməsi Markaryanı Vətən müdafiəçilərinin xatirəsini təhqir etməkdə ittiham edərək həbs edib. Bu maddəyə əsasən, onu beş ilə qədər həbs gözləyir.
