ABŞ prezidenti Donald Tramp Avropa liderləri ilə razılaşmalara baxmayaraq, Rusiyaya qarşı ABŞ-ın yeni sanksiyalarının tətbiqi ilə bağlı dəqiq öhdəliklər götürməyib.
AFN.az xəbər verir ki, bu barədə "The Wall Street Journal" qəzeti cümə axşamı Parisdə keçirilən "istəklilər koalisiyası"nın iclaslarında iştirak edən rəsmilərə istinadən məlumat yayıb.
Nəşrin xəbərinə görə, bu məlumat Avropa ölkələrinin nümayəndələrinin Amerika liderinin ABŞ və Avropa arasında Rusiyaya qarşı əlavə sanksiyalar, o cümlədən Çin və digər ölkələrə qarşı ikinci dərəcəli məhdudiyyətlər üzrə birgə texniki işlərə razılıq verdiyi barədə bəyanatları fonunda yayılıb.
Sentyabrın 4-də Parisdə “istəklilər koalisiyası”nın iclası keçirilib və burada digər məsələlərlə yanaşı, Ukrayna üçün təhlükəsizlik təminatları da müzakirə olunub.
