Sentyabrın 7-dən 8-nə keçən gecə Azərbaycan ərazisində tam Ay tutulması - el arasında “Qanlı Ay” adlandırılan astronomik hadisə müşahidə olunacaq.
Bu barədə AZƏRTAC-ın bölgə müxbirinə Şamaxı Astrofizika Rəsədxanasının elmi işçisi Aytac İskəndərova məlumat verib. Onun sözlərinə görə, tutulma prosesi saat 19:28-də Ayın Yer yarımkölgəsinə daxil olması ilə başlayacaq. Saat 21:30-da isə Ay tam tutulma mərhələsinə keçəcək.
