BAKI, 8 sentyabr. TELEQRAF
Fransa Milli Assambleyası Baş nazir Fransua Bayru və onun hökumətinin istefasına səs verib. Bayruya etimadsızlıq votu elan edilib.
Teleqraf xəbər verir ki, bu barədə CNN yazıb.
“Ümumilikdə 364 deputat Bayrunun əleyhinə, 194 nəfər lehinə səs verib. Bu səs sayı hökumətin istefası üçün lazım olan 280 səs həddini keçib”, - materialda deyilir.
Qeyd edək ki, Bayrunun hökuməti cəmi 9 ay işləyib. İndi Baş nazir Fransa Prezidenti Emmanuel Makrona istefa ərizəsini təqdim etməlidir. Jurnalistlər əlavə edirlər ki, baş nazirin gedişi Makronu bir neçə məqbul variantla baş-başa qoyur.
Makronun yaxın günlərdə yeni baş nazirin təyinatını nəzərdən keçirəcəyi bildirilir.
