Newscenter.az portalından verilən məlumata əsasən, ain.az bildirir.
Nəsimi rayon İcra Hakimiyyətində Rayon İcra Hakimiyyətinin, Yeni Azərbaycan Partiyası Nəsimi rayon təşkilatının və Nəsimi rayon Ağsaqqallar Şurasının birgə təşkilatçılığı ilə respublikanın ali təhsil müəssisələrinə qəbul imtahanlarında rayon üzrə yüksək bal toplayan məzunlarla görüş keçirilmişdi.Newscenter.az xəbər verir ki, tədbir iştirakçıları əvvəlcə RİH-nin binasında Ümummilli Lider Heydər Əliyevin büstü önünə gül dəstələri düzərək, dərin hörmət və ehtiramlarını bildirdilər.Tədbiri giriş sözü ilə açan Nəsimi rayon İcra Hakimiyyəti başçısının səlahiyyətlərini müvəqqəti icra edən, RİH Başçısının müavini Zahid Xəlilov ali təhsil müəssisələrinə qəbul imtahanlarında yüksək nəticə göstərmiş məzunları, onların valideynlərini təbrik edərək bildirdi ki, Ümummilli Liderimiz Heydər Əliyevin ötən əsrin 70-ci illərində əsasını qoyduğu təhsil strategiyası ölkəmizdə yeni təfəkkürlü və təhsilli gənc kadrların yetişdirilməsinə hesablanıb. Ulu öndər Heydər Əliyevin söylədiyi “Təhsil millətin gələcəyidir” sitatı, müasir Azərbaycanın inkişaf strategiyasında təhsilin ölkənin ana xəttinə çevrildiyini bir daha təsdiqləyir. Bu gündə onun layiqli davamçısı cənab İlham Əliyev və Birinci vitse-prezident Mehriban Əliyevanın təşəbbüsü ilə ölkəmizdə təhsil müəssisələrinin maddi-texniki bazası gücləndirilir, bu sahədə alınan qərarlar ölkə gəncliyinin tərəqqəsində vacib rol oynayır. Həmçinin çıxışda bildirilib ki, 2024/2025-ci tədris ilində rayonun tam orta məktəblərini 2718 nəfər şagird bitirmişdir. Məzunlarımızın ali məktəblərə qəbul imtahanlarında göstərdikləri nəticələr yüksəlmiş, belə ki, qəbul imtahanlarında abituriyentlərdən 91 nəfəri 600-dən, 47 nəfəri isə 650-dən çox bal toplamışdır. 2024/2025-ci təhsil ilinin yekunlarına görə Nəsimi rayonu üzrə 21 məzun qızıl, 2 məzun isə gümüş nişana layiq görülmüşdür.
Nəsimi rayon Ağsaqqallar Şurasının sədri, "Əməkdar elm xadimi", professor Vaqif Şadlinski bildirdi ki, bu gün elm və təhsil quruculuğunda müasir dövrün çağırışları nəzərə alınır, ölkə Prezidenti cənab İlham Əliyevin müəyyənləşdirdiyi "Maddi dəyərlərin, iqtisadi potensialın insan kapitalına çevrilməsi" prinsipi ardıcıl şəkildə icra olunur. Ölkə gəncliyi elmin yeni tendensiyaları ilə yaxından tanış olur və bu meyar onların sağlam rəqabətli mühitdə inkişaf etməsinə əvəzsiz töhfə verir. Yeni Azərbaycan Partiyası Nəsimi rayon təşkilatının sədri Azər Süleymanov çıxışında elm yolunun gənclərin həyatında əvəzsiz missiya daşıdığını vurğulayıb. O, yüksək nəticə göstərən məzunların ölkəmizin gələcəyinə işıq saçan istedadlar olduğunu qeyd edərək, təhsil həyatında uğurlar arzulayıb. Nəsimi rayon İcra Hakimiyyəti başçısının birinci müavini Gülarə Verdiyeva, RİH başçısının müavini Ramiz Quliyev, Nəsimi rayon Ağbirçəklər Şurasının sədri Zərifə Quliyeva, Saleh Poladi adına 159 nömrəli tam orta məktəbin direktoru Gülşən Novruzova çıxışlarında yüksək bal toplarmış abituriyentləri tələbə adı qazanmaları münasibətilə təbrik etmiş, ölkədə elm ve təhsil siyasətində aparılan islahatların nailiyyətlərindən bəhs etmişdilər.
Yüksək bal toplayan məzunlardan Gülay Mürvətova, Mübariz Əhməd, Əliəkbər Babayev, həmçinin valideynlərdən isə Rəşad Mürvətov çıxışlarında Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya təhsil sahəsinə göstərdikləri diqqət və qayğıya görə minnətdarlıqlarını bildiriblər.Tədbirin sonunda 2024-2025-ci tədris ilində ali məktəblərə keçirilən qəbul imtahanlarında yüksək bal toplayaraq nəticələr göstərən abituriyentlərə xatirə hədiyyələri təqdim edilib, məzunlar, müəllim və valideynlərlə xatirə şəkili çəkilib.Ruhiyyə Mehdiyeva
Ən son xəbərləri və yenilikləri almaq üçün ain.az saytını izləyin.
