Rusiya Prezidenti Vladimir Putin ölkəni üç fərqli, amma tamamilə eyni qurulmuş bunkerdən idarə edir. Bu bunkerlər Rusiyanın müxtəlif bölgələrində yerləşir və dizayn, avadanlıq, hətta otaqdakı karandaşların düzülüşünə qədər bir-birinin surətidir. Pəncərəsiz bu otaqlar Putinin yerini gizli saxlamağa imkan verir.
Milli.Az xəbər verir ki, bu barədə "The Wall Street Journal" məlumat yayıb.
Məlumata əsasən, Putin mobil telefondan istifadə etmir, internetə nadir hallarda çıxır və videobağlantılar üçün xüsusi izolyasiya olunmuş sistemlərə malik monitorlardan istifadə edir. Onun rabitəsi mühəndislər tərəfindən şifrələnmiş xüsusi texnologiyalarla qorunur.
Prezidentin harada olduğunu gizlətmək üçün bəzən boş kortejlər və təyyarələr göndərilir, o isə əslində başqa bir yerdən videobağlantı ilə çıxış edir. Bu sistem vasitəsilə o, həm ölkəni idarə edir, həm də Ukraynadakı hərbi əməliyyatlara nəzarət edir.
Asya
Milli.Az
