Almaniyanın Polşaya təzminat ödəməsi məsələsi həll olunub və Berlin təzminat kimi Varşavaya təhlükəsizlik zəmanəti verəcək.
Editor.az xəbər verir ki, bu barədə Almaniya hökumətinin Polşa işləri üzrə komissarı Knut Abraham RedaktionsNetzwerk Deutschland (RND) media qrupuna müsahibəsində bildirib.
Müvəkkil həmçinin qeyd edib ki, məsələ ilə bağlı yekun qərar Almaniyanın öhdəliklərini bugünkü kontekstdə şərh etməyi tələb edir.
Abraham mənbəyə bildirib ki, hazırda Almaniya və Polşa “Polşanın qurban olduğu dövrdən fərqli olaraq” bir-birini dəstəkləyir. Abraham Almaniyanın Polşa ilə hərbi və maliyyə əlaqələrini gücləndirməli olduğunu bəyan edərək, bunun mövcud təhlükəsizlik böhranı ilə bağlı tarixi öhdəliklərlə əlaqələndirilməli olduğunu vurğulayıb.
Abraham alman media qrupuna verdiyi müsahibədə vurğulayıb ki, Polşa prezidentinə mesaj ondan ibarətdir ki, Polşanın təhlükəsizliyini gücləndirmək həm də istər maliyyə yardımı, istər silah sistemləri, istərsə də Bundesver qoşunları vasitəsilə Almaniyanın təhlükəsizliyini gücləndirmək deməkdir.
Polşa prezidenti Karol Nawrocki Almaniyanı sentyabrın 1-də təzminat ödəməyə çağırıb. O, “dürüst münasibətlər” qurmaq üçün bu məsələnin həllinin vacibliyini vurğulayıb. Navroçki bəyan edib ki, Polşa prezidenti kimi Almaniyadan ümumi mənafe üçün qeyd-şərtsiz təzminat tələb edir. O, həmçinin Polşanın ədalətə, həqiqətə və Almaniya ilə açıq münasibətlərə ehtiyacı olduğunu, lakin təzminatların alınmasının vacib olduğuna inandığını bildirib.
//Gülnarə Abasova, Editor.az
