Kamçatka sahillərində 7,2 maqnitudalı zəlzələ qeydə alınıb.
Bizim.Media xəbər verir ki, bu barədə Rusiya Elmlər Akademiyasının Birləşmiş Geofizika Xidmətinin yerli filialı məlumat verib.
Zəlzələdən sonra Kamçatkanın şərq sahillərində sunami təhlükəsi elan edilib.
Bu barədə regionun qubernatoru Vladimir Solodov məlumat verib. O bildirib ki, bütün xidmətlər gücləndirilmiş iş rejiminə keçirilib: “Hazırda dağıntılarla bağlı məlumat daxil olmayıb. Dəqiqləşdirilmiş məlumata görə, zəlzələnin maqnitudası 7,2 olub”.
Zəlzələdən sonra yerli sakinlər təhlükəsizlik məqsədilə evlərini tərk ediblər.
Bizim.Media
