Rusiyanın nümayəndə heyəti III MDB Oyunları çərçivəsində kamandan oxatma yarışının keçirildiyi Xankəndi şəhərində olmaqdan məmnundur.
Turkustan.az Teleqraf-a istinadən xəbər verir ki, bunu Rusiyanın idman nazirinin müavini Aleksey Morozov deyib.
O, Xankəndi şəhərində bir çox məkanda olduqlarını söyləyib:
“Bizə burada ekskursiya təşkil olundu. Yarışın keçirildiyi Xankəndi şəhər stadionu bizi çox sevindirdi. Bura tamamilə yenidir. Xankəndinin getdikcə daha da gözəlləşdiyini görürük. Burada olmaqdan xoşbəxtik”.
