Tramp administrasiyası Mərkəzi Kəşfiyyat İdarəsinin Venesuela lideri Nikolas Maduroya qarşı gücləndirilmiş kampaniyası çərçivəsində bu ölkədə gizli əməliyyatlar keçirməsinə icazə verib.
“Cebheinfo.az” xəbər verir ki, bunu “The New York Times” ABŞ rəsmilərinə istinadən yazır.
Bu icazə Maduronu hakimiyyətdən uzaqlaşdırmaq məqsədi ilə Venesuelaya qarşı təzyiq kampaniyasının son addımıdır. Qəzetin yazdığına görə, bu, ABŞ ordusunun Venesuelanın özündə mümkün zərbələr də daxil olmaqla, Prezident Tramp üçün variantlar hazırladığı bir vaxta təsadüf edir.
