Bu gün Qusar şəhərində II Qarabağ müharibəsi şəhidi Elvin Elmar oğlu Qurbanovun anım mərasimi keçirilib.
Rayon icra hakimiyyətindən Bizim.Media-nın yerli bürosuna verilən məlumata görə, şəhidin məzarı ziyarət olunub, xatirəsi ehtiramla yad edilib.
Qeyd edək ki, şəhid Elvin Elmar oğlu Qurbanov 29 aprel 1999-cu ildə Qusar rayonunun Çiləgir kəndində anadan olub. Azərbaycan Ordusunun əsgəri olmuş Elvin Qurbanov 2020-ci il sentyabrın 27-də başlanan 44 günlük Vətən müharibəsində savaşıb.
Elvin Qurbanov oktyabrın 1-də şəhid olub, 19 oktyabr 2020-ci ildə Qusar şəhəri Şəhidlər Xiyabanında dəfn olunub.
Ölümündən sonra "Vətən uğrunda", "Füzulinin azad olunmasına görə" medalları ilə təltif olunub.
Aytəkin Alxaslı, Bizim.Media, Şimal bürosu.
