Azərbaycanın futzal millisinin Səudiyyə Ərəbistanının paytaxtı Ər-Riyadda keçiriləcək İslam Həmrəyliyi Oyunlarındakı rəqibləri məlum olub.
İdmanxeber.az xəbər verir ki, Azərbaycan millisi A qrupunda Səudiyyə Ərəbistanı, Özbəkistan və Liviya ilə mübarizə aparacaq.
B qrupunda isə Mərakeş, Əfqanıstan, Tacikistan və İran yer alıb.
Qrup mərhələsinin oyunları noyabrın 4-də, 6-da və 8-də baş tutacaq. İlk iki pilləni tutan millilər yarımfinala vəsiqə qazanacaq. Bu mərhələnin görüşləri noyabrın 9-da keçiriləcək.
Qızıl, gümüş və bürünc medalçıların adları isə iku gün sonra – noyabrın 11-də keçiriləcək oyunlardan sonra müəyyənləşəcək.
