"Kreml Ermənistandakı səfiri Sergey Kopırkin vasitəsilə Baş nazir Nikol Paşinyana mesaj göndərib. “Biz “Tramp yolu”nun işləmə mexanizmi və detalları ilə bağlı daha çox məlumat gözləyirik”deyən rusiyalı diplomat layihənin detallarının sadəcə ABŞ-la müzakirəsinin doğru olmadığına işarə edib".
"Cebheinfo.az" xəbər verir ki, bu sözləri politoloq Elxan Şahinoğlu bildirib.
Onun sözlərinə görə, Nikol Paşinyan 8 avqustda Vaşinqtonda “Tramp yolu” ilə bağlı razılaşmanı qəbul etdikdən sonra bir neşə dəfə Rusiya Prezidenti Vladimir Putinlə görüşmək imkanına malik olub:
“Kopırkinin sözlərindən belə çıxır ki, Paşinyan “Tramp yolu” ilə bağlı Kreml sahibinə detallı məlumat verməyib. Kopırkinin açıqlaması Moskvanın “Tramp yolu” ilə bağlı İrəvana təzyiqini artıracağına işarədir. Robert Köçəryan prezident olduğu illərdə Ermənistan dəmir yollarını Rusiya dəmir yollarına satb. Bu səbəbdən Kreml “Tramp yolu” ilə keçəcək dəmir yola iddialı kimi görüntü yaratmaq istəyir.
Bütün hallarda Rusiya yeni dəhlizə nəzarət edə bilməyəcək. Buna baxmayaraq, Nikol Paşinyan vaxtilə Köçəryanın dəmir yollarının Rusiyanın nəzarətinə verilməsi səhvini də düzətlməlidir. Rusiya dəmir yola nəzarət edə bilməsə də, dəhlizdən faydalana biləcək, Zəngəzur dəhlizi Ermənistanı Rusiya ilə dəmir yolu əlaqəsini təmin edəcək”.
"Cebheinfo.az"
