Turkstan.az portalından verilən məlumata əsasən, ain.az bildirir.
“Qarabağ” və “Çelsi” komandaları arasında keçiriləcək Çempionlar Liqası matçının biletləri artıq satışa çıxarılıb. Lakin bilet satışını həyata keçirən İticket.az saytında ciddi texniki problem yaranıb.
Turkustan.az xəbər verir ki, 15:00-da satışa start verildikdən dərhal sonra sayta daxil olmaq istəyən azarkeşlər çətinliklə üzləşiblər. Sayta daxil ola bilənlər isə bilet seçdikdən sonra “biletlər əlçatmazdır” mesajı ilə qarşılaşırlar.
Üstəlik, əvvəlcə 10-15 manat aralığında satışa çıxarılan biletlər hazırda saytda mövcud deyil. Hazırda yalnız 40 manatdan yuxarı qiymətli biletlər görünür.
Nasazlıq artıq 1 saatdan çoxdur ki, davam edir.
Qeyd edək ki, “Qarabağ” – “Çelsi” qarşılaşması noyabrın 5-də, saat 21:45-də Tofiq Bəhramov adına Respublika Stadionunda baş tutacaq. /Yeni Sabah/
Hadisənin gedişatını izləmək üçün ain.az saytında ən son yeniliklərə baxın.
