ain.az, Oxu.az portalına istinadən məlumatı açıqlayır.
Bakının əsas prospektlərindən biri olan Heydər Əliyev prospektində yeraltı piyada keçidində eskalatorun işləməməsi sakinlərin narazılığına səbəb olub.
Bununla bağlı Oxu.Az-a müraciət ünvanlanıb.
Qeyd olunub ki, söhbət Nəqliyyatı İntelektual İdarəetmə Mərkəzinin yanında olan keçiddən gedir.
Bakının əsas prospektində ESKALATOR PROBLEMİ: "Ehtiyat hissəsi yerli bazarda mövcud deyil"
"İki ay yarım olar ki, bu keçiddə eskalator işləmir. Biz buradan keçəndə əzab-əziyyətlə bu pilləkənləri hər dəfə qalxmalı oluruq", - deyə şikayətdə bildirilir.
Məsələ ilə bağlı Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli Oxu.Az-a açıqlamasında bildirib ki, hazırda yeraltı piyada keçidində fəaliyyət göstərməyən eskalatorun işinin bərpası istiqamətində zəruri tədbirlər görülür.
"Aparılmış texniki baxış nəticəsində nasazlığın aradan qaldırılması üçün xüsusi ehtiyat hissəsinin dəyişdirilməsinə ehtiyac olduğu müəyyən edilib.
Qeyd olunan ehtiyat hissəsi yerli bazarda mövcud olmadığından, istehsalçı şirkətin tələblərinə uyğun şəkildə xaricdən sifariş verilib. Hazırda ehtiyat hissəsinin ölkəyə gətirilməsi prosesi yekunlaşmaq üzrədir. Ehtiyat hissəsi gətirildikdən dərhal sonra eskalatorun işlək vəziyyətə gətirilməsi təmin ediləcək", - deyə A.Nəcəfli vurğulayıb.
Əzizə İsmayılova
Ən son xəbərləri və yenilikləri almaq üçün ain.az saytını izləyin.
