“Abşeron Lions” Estoniya klubuna səfərdə qalib gəldi

Azərbaycanı basketbol üzrə FIBA Avropa Kubokunda təmsil edən “Abşeron Lions” bu gün sözügedən turnirdə növbəti oyununa çıxıb.

Arena.az xəbər verir ki, paytaxt klubu Estoniyanın “Kalev” kollektivi ilə üz-üzə gəlib.

Sözügedən komandaların görüşü Estoniyanın paytaxtı Tallin şəhərində baş tutub. “Uniber Arena”da keçirilmiş oyun Azərbaycan klubunun üstünlüyü şəraitində keçib. Bakılılar yekunda 101:71 (33:15, 23:19, 21:16, 28:17) hesablı qələbəyə seviniblər.

Qeyd edək ki, bu, “Abşeron Lions”un sözügedən turnirdəki ilk qələbəsidir. Təmsilçimiz bu qələbə sayəsində xalını 5-ə çatdıraraq turnir cədvəlində “Kalev”i qabaqlayıb və 3-cü sıraya yüksəlib.

Xatırladaq ki, I qrupunun digər matçında bu gün “Neftçi” Polşanın “Trefl” kollektivinə qalib gəlib – 92:87.

Hazırda “Trefl” 7 xalla liderdir. Eyni xala malik “Neftçi” isə 3-cü sırada qərarlaşıb.

Xəbəri istədiklərinizlə paylaşın