Paytaxtın Qaradağ rayonu ərazisində yerləşən avtoyuma məntəqələrinin birindən noyabrın 17-si səhər saatlarında “BYD” markalı avtomobil qaçıran şəxs tutulub.
Daxili İşlər Nazirliyinin mətbuat xidmətindən Bakıvaxtı.az-a verilən məlumata görə, həmin şəxs qaçırdığı avtomobillə yol-nəqliyyat hadisəsi törədib və avtomobili orada qoyaraq hadisə yerindən qaçıb.
Qaradağ Rayon Polis İdarəsinin 10-cu polis şöbəsinin əməkdaşlarının keçirdikləri tədbirlər nəticəsində əməli törətməkdə şübhəli bilinən, həmin məntəqədə işləyən 29 yaşlı S.Kərimov müəyyən olunaraq saxlanılıb.
