Azərbaycan Premyer Liqasının XII turunun növbəti matçında “Zirə” ilə “Qəbələ” komandaları qarşılaşıb.
Tribuna xəbər verir ki, Zirə İdman Kompleksinin stadionunda keçirilən oyun meydan sahiblərinin minimal hesablı qələbəsi ilə yekunlaşıb – 1:0.
Baş hakim Elvin Bayramovun idarə etdiyi görüşdə yeganə qolu 45+3-cü dəqiqədə Ruan Renato vurub. O, penaltini dəqiq yerinə yetirib.
Bu qələbədən sonra “Zirə” 23 xalla turnir cədvəlinin ikincisi olan “Turan Tovuz”a çatıb. “Qəbələ” 5 xalla 11-ci sıradadır.
Qeyd edək ki, tura noyabrın 23-də yekun vurulacaq.
