Bakıda və Abşeron yarımadasında dekabrın 7-si axşamdan 10-u axşamadək arabir yağış, bəzi yerlərdə leysan xarakterli yağış gözlənilir.
Doğru.az xəbər verir ki, bu barədə Milli Hidrometeorologiya Xidməti məlumat yayıb.
Məlumata əsasən, Azərbaycanın rayonlarında dekabrın 7-si səhərdən 11-i axşamadək bəzi yerlərdə fasilələrlə yağıntılı hava şəraiti proqnozlaşdırılır. Naxçıvan MR, Qarabağ və Şərqi-Zəngəzur, Balakən-Şəki, Qazax-Gəncə, Quba-Qusar, Mərkəzi Aran, Lənkəran-Astara ərazilərində yağışın leysan xarakterli intensiv olacağı, dağlıq rayonlarda isə qar yağacağı ehtimalı var.
Yağıntılarla əlaqədar çaylarda sululuğun artacağı və bəzi dağ çaylarından qısamüddətli sel keçməsi gözlənilir.
DOĞRU.AZ
