Almaniya Bundesliqasının 14-cü turunda “Ştutqart” səfərdə “Verder”in qonağı olub.
İdman.Biz xəbər verir ki, qarşılaşma “Ştutqart”ın 4:0 hesablı üstünlüyü ilə başa çatıb.
Hesabı 40-cı dəqiqədə Bilal Əl-Xannus açıb. Dörd dəqiqə sonra Ceymi Levelinq fərqi iki topa çatdırıb. 79-cu dəqiqədə Deniz Undav, 90+7-ci dəqiqədə isə Kris Fyuriç adını tabloya yazdırıb.
Qeyd edək ki, meydan sahibləri 59-cu dəqiqədən azlıqda qalıblar. Karim Kulibali iki sarı vərəqə alaraq meydandan kənarlaşdırılıb.
Bu nəticədən sonra “Verder” 16 xalla Almaniya çempionatının turnir cədvəlində 12-ci pillədə qərarlaşıb. “Ştutqart” isə 25 xalla altıncı yerdədir.
