ain.az, Konkret.az saytına istinadən bildirir.
Nikol Paşinyan bildirib ki, Ermənistan və Azərbaycan arasında formalaşan sülh şəraiti Avrasiya İqtisadi İttifaqı (Aİİ) çərçivəsində də yeni imkanlar yaradır.
KONKRET.az xəbər verir ki, Paşinyanın sözlərinə görə, avqustun 8-də əldə olunan razılaşmalardan sonra bu qərarların guya Rusiyaya qarşı yönəldiyi barədə fikirlər səsləndirilirdi:
“Xatırlayırsınızsa, 8 avqustdan sonra bəziləri deyirdi ki, bu, anti-Rusiya qərarıdır və Moskvaya qarşı yönəlib. Mən isə bildirirdim ki, xeyr, bu addımlar Ermənistan–Rusiya münasibətləri üçün də yeni imkanlar açır”.
Ermənistanın baş naziri vurğulayıb ki, avqustun 8-də imzalanan razılaşmalar nəticəsində Ermənistan və Rusiya arasında müstəqil Ermənistan tarixində ilk dəfə dəmir yolu əlaqəsi yaranıb. Onun fikrincə, bu proses regionda iqtisadi əməkdaşlığın və nəqliyyat-logistika imkanlarının genişlənməsinə xidmət edir.
Müşviq Tofiqoğlu
KONKRET.az
Daha ətraflı məlumat və yeniliklər üçün ain.az saytını izləyin.
