Yeniavaz saytından alınan məlumata görə, ain.az bildirir.
Çirkli qabları öncədən islatmaq vərdişi qida zəhərlənməsi və digər ciddi xəstəliklər riskini artıra bilər.
Yeniavaz.com xəbər verir ki, bunu Vaterloo Universitetinin mikrobioloqu Ceyson Tetro “Daily Mail”ə verdiyi şərhdə bu barədə xəbərdarlıq edib.
O, boşqab və çəngəl-bıçaqların islanmasının yaratdığı isti, nəmli mühitin bakteriyaların sürətli böyüməsi üçün ideal şərait yaratdığını izah edib:
“Araşdırmalar göstərir ki, mətbəx yuyucusu evdəki ən çirkli yerlərdən biridir. Orada E.coli (bağırsaq çöpü) və digər qida yoluxucu patogenlərə rast gəlmək olar”.
Bu tapıntılar Kardiff Universitetinin məlumatları ilə dəstəklənir. Böyük Britaniyada 46 evdə aparılan bir araşdırmada elm adamları müxtəlif mətbəx səthlərini təmizlədilər və yuyucunun mətbəxin hər yerindən daha yüksək bakteriya konsentrasiyasına malik olduğunu aşkar etdilər.
Mütəxəssislər bunu qismən çiy qidaları emal etmək üçün yuyuculardan istifadə edilməsi ilə əlaqələndirirlər.
Tədqiqatçılar bir çox insanların çiy quş ətini yeməkdən əvvəl yuduqlarını, lakin bunun yalnız mətbəxdə bakteriyaların yayılmasına kömək etdiyini deyib.
Mütəxəssislərin fikrincə, bakteriyalar bir neçə saat ərzində aktiv şəkildə çoxalır və infeksiya riskini artırır. Məsələn, E.coli şiddətli ishal, qusma və hərarətə səbəb ola bilər və nadir hallarda hətta ölümə gətirib çıxara bilər.
Qida zəhərlənməsi riskinin qarşısını almaq üçün mütəxəssislər qabları dərhal yumağı və ya mümkün olduqda qabyuyan maşından istifadə etməyi məsləhət görürlər: yüksək suyun temperaturu və uzun yuma dövrü təhlükəli mikroorqanizmlərin öldürülməsində daha təsirli olur.
Daha ətraflı məlumat və yeniliklər üçün ain.az saytını izləyin.
