Moderator.az portalından verilən məlumata görə, ain.az xəbər yayır.
"Putinin hücum blefi göstərir ki, sülhün qarşısında dayanan məhz Rusiyadır..."
Rusiya prezidenti Vladimir Putinin Valdaydakı iqamətgahına Ukraynanın dron hücumu etməsi barədə iddialar ABŞ kəşfiyyatı tərəfindən təsdiqlənməyib.
Moderator.az xəbər verir ki, bu barədə "The Wall Street Journal" nəşri yazıb.
Hücum iddiaları və kəşfiyyatın mövqeyi
Nəşrə danışan ABŞ rəsmiləri bildirir ki, Mərkəzi Kəşfiyyat İdarəsi Ukraynanın heç bir hücum cəhdi etmədiyi qənaətinə gəlib. Kiyev yalnız həmin bölgədə əvvəl vurulmuş hərbi hədəfi nişan alıb; bu obyekt Putinin iqamətgahından xeyli uzaqda yerləşir. Nəşr vurğulayır ki, hücumun məqsədini açıqlamır, amma ABŞ Putinin iddialarını faktlarla təsdiqləmir. Mənbələr məlumatların artıq ABŞ prezidenti Donald Trampa çatdırıldığını bildirir.
Trampın reaksiyası və Kremlin manipulyasiyası
Tramp "Truth Social"da "Putinin "hücum" blefi göstərir ki, sülhün qarşısında dayanan məhz Rusiyadır" başlıqlı məqaləni paylaşaraq Putinin iddialarını dolayısı ilə təkzib edib. Xatırladaq ki, Putin Zelenski ilə Trampın Florida görüşündən sonra ABŞ prezidentinə zəng edib, guya ukraynalıların onu öldürməyə cəhd etdiyini iddia etmişdi. Tramp isə bu ittihamlar barədə real sübutların olmadığını etiraf edib və bunun Putinin uydurması ola biləcəyini bildirib.
Dezinformasiya və diplomatik nəticələr
"The New York Post" yazır ki, Putinin iddiaları Trampla Zelenski arasında sülh təşəbbüslərini bloklamaq üçün lazım olan bəhanədir. Zelenski və Kiyev hakimiyyəti hücumla bağlı məlumatları açıq şəkildə "feyk" adlandırıb, Vaşinqtonla dialoqu qoruyub. Ukrayna xarici işlər naziri Andriy Sıbiqa qeyd edib ki, Moskva hələ də heç bir inandırıcı sübut təqdim etməyib və təqdim etməyəcək. Analitiklər bildirir ki, bu manipulyasiya sülhə aparan yolu ləngitmək üçün siyasi məqsədlə qurulub.
Sonrakı hadisələr barədə daha çox məlumat almaq üçün ain.az saytını izləyin.
