Ayna portalından alınan məlumata görə, ain.az xəbər verir.
“Əgər Tramp bunlardan hər hansı birinə doğrudan da önəm versəydi, məhkum olunmuş narkotik qaçaqmalçısını əfv etməzdi”
“Donald Trampın Venesuela ilə bağlı addımları Amerikanı nə daha təhlükəsiz, nə daha güclü, nə də daha əlçatan edir. Maduronun qəddar və legitimliyi olmayan diktator olması bu addımın həm qanunsuz, həm də ağılsız olduğu faktını dəyişmir. Biz bu filmi artıq görmüşük. “Güc nümayişi” kimi satılan, amma sonda xaosa çevrilən rejim dəyişikliyi və ya neft müharibələri... Və bunun bədəlini Amerika ailələri ödəyir”. AYNA.AZ xarici mediaya istinadən bildirir ki, bu sözləri ABŞ-ın sabiq vitse-prezidenti, son prezident seçkilərində Demokrat Partiyasının namizədi Kamala Harris deyib.
Bildirib ki, Amerika xalqı bunu istəmir və onlara yalan danışılmasından bezib: “Bu, nə narkotiklərlə mübarizə, nə də demokratiya məsələsidir. Bu, neft və Donald Trampın regional güc sahibi rolunu oynamaq istəyidir. Əgər o bunlardan hər hansı birinə doğrudan da önəm versəydi, məhkum olunmuş narkotik qaçaqmalçısını əfv etməzdi və Maduronun ətrafındakı adamlarla sövdələşmələr apararkən Venesuelanın legitim müxalifətini kənara itələməzdi”.
“Prezident əsgərləri risk altına atır, milyardlarla dollar xərcləyir, bir regionu sabitsizləşdirir və eyni zamanda nə hüquqi əsas, nə çıxış planı, nə də ölkə daxilində hər hansı bir fayda təqdim edir. Amerikanın işləyən ailələr üçün xərcləri azaltmağı, qanunun aliliyini təmin etməyi, müttəfiqləri gücləndirməyi və ən əsası, Amerika xalqını hər şeydən üstün tutmağı prioritet edən liderliyə ehtiyacı var”, - Harris qeyd edib.
Daha ətraflı məlumat və yeniliklər üçün ain.az saytını izləyin.
